Promoziun tampriva
Premissas da partenza optimelas grazcha ad üna "promoziun tampriva"
Nus ans allegrains da's pudair infurmer cha las vschinaunchas da l'Engiadin'Ota, cun agüd da l'uffizi da sandet dal chantun Grischun, claman in vita ün program cumünaivel per la promoziun tampriva da nos pü pitschens. Che drouva que per pussibiliter premissas da partenza optimelas per tuot ils iffaunts?
Il proget ho in mira da pussibiliter a tuot las famiglias, davent da la gravidaunza e la paglioula fin tar l'entredgia illa scoulina, ün access ad offertas qualitativmaing otas e correspundentas als bsögns.
Las vschinaunchas haun definieu il böt da metter ad ir fin la sted 2024 ün'analisa da situaziun e dad elavurer fin la fin dal 2025 üna strategia regiunela per la promoziun tampriva.
Grand pais vain miss sün ün process participativ per svilupper la strategia. Quist process intuna la partecipaziun e l'integraziun da bgers pertuchos, per sgürer cha la strategia sviluppeda saja vasta.
Cò vegnan Els ed Ellas infurmos regulermaing sur da svilups e progressiuns.
La mnedra dal proget Andrea Stamm sto a disposiziun per dumandas u infurmaziuns.
Grazcha fich per Lur interess e Lur sustegn.
Las vschinaunchas chi's partecipeschan:
Segl, Silvaplauna, San Murezzan, Puntraschigna, Schlarigna, Samedan, Bever, La Punt Chamues-ch e S-chanf